Sözleri
Şu günden kim seni buldum kamu varlık harâb oldı
Dü-‘âlem zeyni gözümden hayâlât u serâb oldı
Sana senden nikâb oldum geh âteş gâh âb oldum
Gehi yiller gibi esdim gehi cismim türâb oldı
Bu hâlım defterin açdı gönüller üzre evrâkı
Celâlünden cemâlundan kamuya feth-i bâb oldı
Yüregüm iltihâbından kimi mest ü kimi mahmür
Akar gözler yaşı turmaz cigerleri kebâb oldı
Kimi kahrunla ğark-iken hicâbın götürür lutfun
Kime lutfun görinmişken yine kahrun hicâb oldı
Kimine şer’ün ahkâmı muşaffâ bal olup tatlu
Kime Su kime süd seyrün kime ‘ışkun şarâb oldı
Temâmet gizlü gencinden göründi “Aşık’un seyri
Ne diller söyledi anı ne dillere hitâb oldı