Sözleri
Aşka veren varını yâri ile yâr ola
Görmeyip ağyârını manzarı didâr ola
Âteş-i aşk ile ger nefsini yaksa bir er
Komaya dilde keder erlere serdâr ola
Hak yoluna gidenin kâlini hâl edenin
Cümle sıfatı anın seb’a-i etvâr ola
Kalbi o kim yıkaya varlığı dilden yuya
Yerine yokluk koya yerine ol var ola
Cân-ı cihânı bulan hânesine hân gelen
Sırrını mahfî kılan mahzen-i esrâr ola
Aşka tutanlar yüzü hikmete ere özi
Gûş-i cihânda sözü bir dür-i şehvâr ola
Tûr edinen dârını bula Hüda nârını
Dinleye ğaffâr’ını vâsıl-ı dil-dâr ola
Dinle beni ey ulu olsa irâdet beli
Kulınun ednâ kulu şâh-ı cihândâr ola
Nefsi basan asfiyâ zulmeti kıldı ziyâ
Nura eren Nûri’yâ matla’-ı envâr ola