Sözleri
Bahr-ı envar-ı Hudadan halk olan dür-dâneyim
Öyle dürrüm ki libasım ne sedefdür yâneyim
Bu kemalat-ile olsam nola mescud-ı melek
Gelmedi gelmez misalim âleme bir daneyim
Nur-ı zâtiyle tecelli kıldı evvel zâtıma
Sırr yüzünden aşina u suretâ bi-gâneyim
Âlem-i mülk içre giydim çar-ı unşur câmesin
Câmi-i âfâk u enfüs bir aceb kâşeneyim
Hane-i kalbim Hudâ hum-hâne-i aşk eyledi
Câmına cân sarf iden âşıklara mey-hâneyim
Levh-i sinem kıldı safi nakş-ı ağ u karadan
Harfden ârî ledünni ilmine dershâneyim
Ey Selami rehberim nur-ı ahad-ı Ahmed iken
Aşinayı Hazret-i Mevla değil de ya neyim