Sözleri
Bulmaz bu derdün çâresin bî-çâre gönlüm n’eyleyem
İşletdi aşkın yarasın pür-yara gönlüm n’eyleyem
Cânâna vâsıl olmadı cânında tâkat kalmadı
Andan teselli bulmadı bir pâre gönlüm n’eyleyem
Pervâza eylerken heves cismi ana oldı kafes
Eğlenmez oldı bir nefes âvâre gönlüm n’eyleyem
Encüm gibi dâ’im döner gâhî çıkar gâhî iner
Turmaz gice gündüz yanar bir nâra gönlüm n’eyleyem
Terk itdi cümle pişesin arturdı aşk endişesin
Sındurdı Nûrî şişesin sad pâre gönlüm n’eyleyem