Sözleri
Göründi çeşm-i ‘uşşâka mezâhirden cemâl-i hû
Nikâb-ı fürkati ref ’ eyledi dilden visâl-i hû
Şu kim bezm-i ezelde feyz-i Hak’dan behre-yâb oldı
Hayât-ı bâkiye buldı içüp âb-ı zülâl-i hû
Ülü’l- ebsâr olanlar gördiler envârını Hakk’un
Velî red eyledi gözsüzleri dest-i celâl-i hû
Şular kim ayağın merdâne basdı iş bu meydânda
Sezâdur ger dinilse anlara gerçek ricâl-i hû
Hakîkat sırrını Hakkı yüri nâkıslara sorma
Ki nâkıslar nedür bilmez hakîkatde kemâl-i hû