Sözleri
İçilse kevser-i vahdet, mey-i hamrâyı neylerler
Saçılsa cevher-i hikmet dür-i yektâyı neylerler
Cihan içre murâd-ı âşıkan ma’şuka ermekdir
Çü cân bulmaya cânânı, kuru sevdâyı neylerler
Cemal-i Hakk’ı her yüzden teferrüc etmedir maksûd
Ki bir göz görmeye Hakk’ı ona binâyı neylerler
Dilâ cennet safasından ğaraz zevk-i ilahidir
Erenler vasl-ı Hakk’a, cennet ü hurâyı neylerler
Şunlar kim bahr-i vahdetde vücûdun mahv-ı mahz etdi
Fenâ oldu onlar Zâtî dahî da’vâyı neylerler