Sözleri
Su gibi alçağa ak vâsıl-ı ummân olam dersen
Yüzün yerden ayırma mazhâr-ı ihsân olam dersen
Yanında lutf u kahrı Hakk Ta’âlâ’nın bir olunca
Çalış irfân yolunda dem-be-dem insân olam dersen
Meşâm-ı câna bûy-ı Hak erince çâk çâk olğıl
Çekegör cevrini hârun gül-i handân olam dersen
Gehî sahrâya düş Mecnûn-veş gâh dağa Ferhâd ol
Hakîkat dilberine âşinâ-yı cân olam dersen
Yürü var derd ile virâne ol mahv-ı nişân eyle
Hakîkat gevherin bulup ana sen kân olam dersen
Niçün şol zerre gibi pây-mâl olmazsın âlemde
Begüm evc-i ma ‘ânîde eger rahşân olam dersen
Şular kim Hakk’ı ister Hakkı’yâ mihnetden incinmez
Belâ câmını nûş et sen de ger şâdân olam dersen